Указ пра ўведзены рэжым надзвычайнай сітуацыі апублікаваў прызначаны Расіяй кіраўнік горада Міхаіл Разважаеў.
Рэжым НС рэгіянальнага значэння ўводзіцца да асаблівага распараджэння. Што гэта значыць для гараджан, незразумела.
Па даных Разважаева па стане на вечар 23 чэрвеня, у выніку ўдару загінулі чатыры чалавекі (у тым ліку двое дзяцей), 151 звярнуўся па медыцынскую дапамогу, 82 шпіталізаваныя. Разважаеў таксама паведаміў, што вырашаецца пытанне аб транспарціроўцы ў Маскву 15-20 пацярпелых.
Напярэдадні Мінабароны РФ заявіла, што ўкраінскія вайскоўцы нанеслі ўдар па Севастопалі амерыканскімі ракетамі ATACMS. Яны былі збітыя сродкамі СПА, але адна з ракет «адхілілася ад траекторыі палёту з падрывам баявой часткі ў паветры над тэрыторыяй горада». Абломкі ракет упалі ў некалькіх раёнах горада, уключаючы пляж. Нават z-ваенкары раскрытыкавалі працу сваёй СПА.
Каментары