Пра гэта распавёў адзін з кіроўцаў, які ўжо больш за 6 гадоў ездзіць па дарогах Заходняй Еўропы.
Паводле яго словаў, інцыдэнт адбыўся 18 студзеня.
Беларусы на трох гружаных фурах вярталіся ў Беларусь па шашы S8 Варшава — Беласток. Каля Замбрува зламалася першая машына, паведамляе AutoGrodno.by.
Усе тры спыніліся для рамонту і занялі палову паласы на дарозе з адной паласой руху ў кожны бок, аднак легкавыя аўтамабілі маглі без праблем размінуцца. Палосы падзяляла двайная суцэльная лінія разметкі.
Пасля пачатку рамонту пад'ехала паліцыя. Яны забралі дакументы і дазволілі адрамантаваць машыну за 10 хвілін, іначай — штраф.
Як кажуць кіроўцы, праз 10 хвілін грузавік завёўся, але паліцыя дакументы не вярнула.
Супрацоўнік заявіў, што аўтамабіль рамантаваўся занадта доўга і што ён ужо выклікаў эвакуатар. На ўсіх кіроўцаў надзелі кайданкі.
У паліцыі на беларусаў склалі пратаколы і растлумачылі, што яны спыніліся на двайной суцэльнай лініі разметкі, чаго рабіць нельга.
Кіроўцаў абшукалі, забралі тэлефоны і пасадзілі ў асобныя камеры з матрацамі і пледамі, кармілі бутэрбродамі, піць яны маглі толькі ваду з-пад крана, калі хадзілі ў туалет. У камерах гродзенцы правялі паўтара дні.
Суд адбыўся 20 студзеня. Беларусам прысудзілі штрафаў на 9990 злотых, гэта 2500 даляраў. Яго аплаціў прадстаўнік транспартнай фірмы.
Цяпер чытаюць
Лукашэнка патлумачыў, чаму яго не відаць па серадах і суботах16
Лукашэнка патлумачыў, чаму яго не відаць па серадах і суботах
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары