У Францыі абмежавалі продаж салодкіх напояў у рэстаранах і кафэ ў мэтах барацьбы з праблемай атлусцення, піша ВВС.
З гэтай пятніцы рэстараны не змогуць прапаноўваць сваім кліентам безлімітны доступ да салодкіх напояў за фіксаваную цану або бясплатна.
Гаворка ідзе аб папулярнай у рэстаранах хуткага харчавання практыцы, калі кліент плаціць толькі за шклянку і можа неабмежаваную колькасць разоў яе напоўніць. Часам такая сістэма дзейнічае ў сталовых.
Забарона датычыцца ўсіх відаў прахаладжальных напояў, якія ўтрымліваюць цукар або падсалоджвальнікі. Сюды ж адносяцца розныя спартыўныя напоі.
Такая сістэма распаўсюджана і ў іншых краінах Еўропы. У Беларусі яна сустракаецца ў некаторых сетках хуткага харчавання.
Паводле даных Еўрастата, узровень атлусцення ў Францыі ў дарослых людзей складае 15,3% — гэта крыху ніжэй за сярэдні для Еўропы ўзровень 15,9%. Аднак ва ўзросце старэйшыя за 30 гадоў на атлусценне пакутуюць амаль 57% французаў і 41% францужанак.
Сусветная арганізацыя аховы здароўя неаднаразова папярэджвала пра шкоду салодкіх напояў, перш за ўсё газіроўкі. СААЗ звязвае гэтыя напоі з ростам узроўню атлусцення і дыябету.
СААЗ рэкамендавала краінам уводзіць падаткі на салодкія напоі, каб знізіць іх спажыванне.
У Францыі ўжо дзейнічае падатак на ахаладжальныя напоі, а таксама забарона на вендынгавыя аўтаматы ў школах.
10-працэнтны падатак на продаж салодкіх напояў дзейнічае і ў Мексіцы. У першы год пасля яго ўвядзення спажыванне напояў ўпала на 6%.
Цяпер чытаюць
«Дыялект падазроны». Спявак Сярога прыйшоў на расійскае рэаліці і сабраў усіх хэйтараў6
Каментары