У аграгарадку Карма Добрушскага раёна чатырохгадовы хлопчык атрымаў траўмы пасля таго, як трапіў пад колы мотаблока, паведамляе Следчы камітэт.
Паводле папярэдняй інфармацыі, мясцовы жыхар ехаў на мотаблоку з прычэпам на ферму і па дарозе сустрэўся з пляменнікам і яго бабуляй. Мужчына прапанаваў хлопчыку пакатацца.
Калі яны вярталіся назад і з’язджалі з невялікага ўзвышша, нагружаны мотаблок страціў устойлівасць і перакуліўся. У гэты момант кіроўца заўважыў, што дзіцяці побач няма. Высветлілася, што незадоўга да гэтага хлопчык упаў і апынуўся пад коламі.
Дзіця з траўмамі дастаўлена ў бальніцу. Цяпер следчыя высвятляюць усе абставіны здарэння.
Цяпер чытаюць
Беларус зрабіў прапанову каханай каля знакамітага фантана Трэві ў Рыме — пад апладысменты дзясяткаў турыстаў23
Каментары