Улады разьмешчанай у бэльгійскай правінцыі Фламандзкі Брабант камуны Завэнтэм патрабуюць ад усіх асоб, якія не валодаюць у дастатковай ступені нідэрляндзкай мовай, прыходзіць на прыём зь перакладчыкам.
Улады разьмешчанай у бэльгійскай правінцыі Фламандзкі Брабант камуны Завэнтэм
Як паведамляе РІА Новости, адпаведную аб’яву ўлады камуны вывесілі на дзьвярах усіх кабінэтаў у будынку раённай адміністрацыі на нідэрляндзкай, францускай, ангельскай, нямецкай, гішпанскай і арабскай мовах. Дзяржаўнымі мовамі Бэельгіі зьяўляюцца нідэрляндзкая, француская і нямецкая.
«Камуна Завэнтэм разьмешчана ў нідэрляндамоўнай частцы Бельгіі. Прынятыя тут законы і пастановы фармальна забараняюць служачым размаўляць з падапечнымі на якой‑небудзь іншай мове, апроч нідэрляндзкай. Калі вы недастаткова добра валодаеце ёю, мы просім вас прыходзіць зь перакладчыкам», — прыводзяць мясцовыя СМІ тлумачэньне прадстаўніка камунальных уладаў.
Бэльгійскія палітыкі‑франкафоны ўжо абвінавачвалі адміністрацыю Завэнтэма ў «лінгвістычным апартэідзе». Такую непахвальную ацэнку з боку прадстаўнікоў палітычнай эліты выклікала прынятая раней уладамі раёну пастанова, якая дазваляе набываць на яго тэрыторыі ўчасткі пад будаўніцтва жылых дамоў толькі асобам, якія размаўляюць на нідэрляндзкай мове ці наведваюць курсы па яе вывучэньні.
Цяпер чытаюць
Хто забараняе ў Беларусі кнігі — вось гэтыя 22 чалавекі26
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары