Гэтая гісторыя пачалася яшчэ ў пачатку лютага 2017 года. Супрацоўнік ДАІ з Ганцавіч атрымаў ад знаёмых паведамленне аб тым, што ў гутарцы «ДПС Ганцавічы», створанай на платформе Viber, у яго адрас паступілі абразлівыя выказванні.
Інспектар зайшоў у чат і ўбачыў, што паведамленне з абразай прачыталі ўсе ўдзельнікі гутаркі — усяго 144 чалавекі.
Тады даішнік звярнуўся ў суд.
Пасяджэнне суда адбылося 3 мая 2017 года. Вывучыўшы ўсе матэрыялы справы, суд прызнаў абвінавачанага — 29-гадовага ўраджэнца Казахстана — вінаватым у наўмысным прыніжэнні гонару і годнасці асобы, выказанае ў непрыстойнай форме, нанесеным у публічным выступе, паведамляе прэс-служба ДАІ Брэсцкай вобласці.
У выніку абвінавачаны павінен будзе сплаціць штраф у памеры 50 базавых (1150 рублёў).
Каментары