Пажылая жанчына, якая працуе настаўніцай матэматыкі, здзівіла карыстальнікаў сацыяльных сетак сваім незвычайным вучнем — сабакам пароды шпіц, заўважыла выданне Blizko.by.
Унукі жанчыны, блогеры Вара і Ягор «Барабулькіны», апублікавалі два відэа, на якіх гадаванец нібыта рашае простыя матэматычныя задачы: напрыклад, называе адказ на пытанні «два памножыць на два» або «квадратны корань з дзевяці», падаючы патрэбную колькасць брэхаў. За правільныя адказы сабака атрымліваў пачастунак.
Відэа выклікала шмат жартоўных каментароў. Карыстальнікі пісалі, што такі вучань мог бы сам выкладаць у школе, здаць экзамены на выдатны бал або дапамагчы на кантрольнай рабоце.
Аднак сакрэт надзвычайнай здольнасцяў «пухнатага матэматыка» даволі просты. Падобныя нумары заснаваныя на дрэсіроўцы: жывёліна насамрэч не думае над пытаннямі, а рэагуе на непрыкметныя сігналы гаспадара, напрыклад, рух галавы або жэст рукой, па якіх разумее, калі трэба спыніць гаўкаць.
Каментары