Памочнік Пуціна здзівіўся, калі даведаўся, што яго прозвішча «Щеголев» па-беларуску гучыць зусім іначай — «Шчогалеў»
Памочнік прэзідэнта Расіі Ігар Шчогалеў расказаў, што некалі здзівіўся напісанню свайго прозвішча па-беларуску.
Ігар Шчогалеў.
Пра гэта ён заявіў на пленарным пасяджэнні XIX Сусветнага кангрэса рускай прэсы, які праходзіць у Мінску, паведамляе БелТА.
«Мая кар'ера журналіста пачыналася ў Беларусі. Маладым журналістам ІТАР-ТАСС я прыехаў сюды на стажыроўку ў БЕЛТА. Мая першая публікацыя была менавіта на мове брацкай рэспублікі — беларускай. Я са здзіўленнем прачытаў, як на беларускай мове пішацца маё прозвішча, і выявіў, што там усяго некалькі літар з арыгінальнага напісання — Шчогалеў. Публікацыя была пра конкурс бальных танцаў, які праходзіў у сталіцы Беларусі», — расказаў памочнік Пуціна.
Дадамо, што сам Шчогалеў нарадзіўся ва ўкраінскай Вінніцы.
Цяпер чытаюць
Цапкала і Балкунец атакавалі літоўскага палітыка, які дапамагаў беларусам пасля 2020‑га і спрычыніўся да справы, якую завёў пракурор у Гаазе16
Каментары