Аператар Zaryadka запусціў новую лакацыю па адрасе вуліца Казіміраўская, 6. Тут працуюць адразу пяць хуткіх зарадных станцый, якія дазваляюць адначасова абслугоўваць да дзесяці аўтамабіляў.
Магутнасць кожнай станцыі складае 160 кВт. Пляцоўка падтрымлівае розныя тыпы электрамабіляў: ёсць раз'ёмы CCS і GBT, што робіць зарадку даступнай для розных мадэляў.
У кампаніі адзначаюць, што колькасць электрамабіляў у горадзе хутка расце, таму інфраструктуру актыўна пашыраюць і робяць зарадныя пункты больш магутнымі і зручнымі.
Паводле апошніх даных, у Беларусі налічваецца каля 54 тысяч электрамабіляў. Таксама паведамляецца, што частку льгот для электрамабіляў і зарадных станцый падоўжылі яшчэ на тры гады.
Раней сетка Zaryadka ўжо адкрывала і іншыя нестандартныя праекты, у тым ліку «зарадны дыскаўнтар» у прамзоне «Шабаны».
Каментары