УСУ знішчылі ў Крыме і на Данбасе яшчэ два ЗРК, прабіваюць калідоры ў небе над акупаванымі тэрыторыямі
Сілы беспілотных сістэм Украіны абвясцілі пра знішчэнне сёння ўначы ЗРК «Тор-М2» у Ганчарове Луганскай вобласці і ЗРГК «Панцыр-С1» у Хутарку, Крым.
Акрамя таго, сёння пад удар трапілі самалёт-амфібія Бе-200 «Альтаір» разам з «тушкай» Ка-27 у Ейску (Краснадарскі край), карабель-сухагруз з боекамплектам у порце Бярдзянск, Запарожская вобласць, навучальны цэнтр і пункт часовай дыслакацыі расійскай арміі ў Райгарадку пад Луганскам.
Аднак найбольшую ўвагу звяртаюць удары менавіта па комплексах супрацьпаветранай абароны. З пачатку мая ўкраінскія беспілотнікі знішчылі ўжо 17 элементаў СПА праціўніка, а з пачатку зімы — 153.
Расійскія ваенкары таксама з усё большай трывогай пішуць пра ўдары па лагістыцы расійскага войска ў глыбіні акупаваных тэрыторый.
Цяпер чытаюць
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў99
Каментары