Юрыст Ігар Случак днямі стварыў адпаведную петыцыю на платформе petitions.by. Цягам месяца любы ахвотны можа пакінуць пад ёй свой подпіс.
Новыя шыльды ў Гомелі.
«Вядома, у Мінску і некаторых мястэчках Беларусі праблема з беларускай мовай на вулічных указальніках не стаіць, але па краіне пераважна выкарыстоўваецца руская мова. У тым жа Гомелі беларускамоўных шыльдаў у лепшым выпадку 15-20%, а да апошняга часу іх наогул фактычна не было. У Магілёве, да прыкладу, шыльды цалкам рускамоўныя.
Каб спыніць дыскрымінацыю беларускамоўных беларусаў не заўжды трэба патрабаваць максімум, тым больш, што дзейснае заканадаўства не на нашым баку. Аднак калі мы будзем патрабаваць двухмоўя, мы пашырым візуальную прысутнасць беларускай мовы на вуліцах Беларусі ў разы», — звяртаецца Ігар.
Падпісаць петыцыю
У петыцыі прапаноўваецца зрабіць двухмоўнымі ўсе шыльды: як тыя, што цяпер выключна рускамоўныя, так і тыя, што выключна беларускамоўныя. Гэта будзе сведчыць пра рэальнае, а не ўяўнае двухмоўе ў краіне.
Случак прыводзіць у прыклад, як гэта зроблена ў Фінляндыі, дзе дзяржаўнымі з’яўляюцца фінская і шведская мовы.
У Беларусі таксама ёсць падобныя прыклады. На новых шыльдах у Гомелі назвы вуліц дублююцца па-беларуску і па-руску.
-
«Не запатрабавана». З вядомага кафэ Mon Nom на Трактарным прыбралі беларускамоўнае меню
-
Нейрасеткі ўсё яшчэ спатыкаюцца на беларускім маўленні. Беларусы хочуць падарыць штучнаму інтэлекту ідэальны голас
-
Юнак расказаў, як канспектаваў рускамоўныя лекцыі беларускай лацінкай. Гэта выклікала даміно ўспамінаў з БНТУ, БДТУ і БДУ
Цяпер чытаюць
Цапкала і Балкунец атакавалі літоўскага палітыка, які дапамагаў беларусам пасля 2020‑га і спрычыніўся да справы, якую завёў пракурор у Гаазе23
Каментары