Зварот Лукашэнкі да парлямэнту быў нязвыкла кароткі й сухі. А.Лукашэнка паабяцаў эканамічную лібэралізацыю пра захаваньні аўтарытарнага кіраваньня.
Традыцыйны зварот Аляксандра Лукашэнкі да парлямэнту быў, проці мінулых гадоў, кароткім. Ён доўжыўся ўсяго 45 хвілінаў – удвая карацей, чым летась. Прамова была таксама нязвыкла вытрыманаю і сухою. Не прагучала ніводнай новай ідэі, а пра старыя гаварылася… як пра старыя.
Вывесьці ў лік высакаразьвітых
«Разгойдваньне лодкі можа абярнуцца бядой для ўсіх». – папярэдзіў А.Лукашэнка ці то сваіх хаўрусьнікаў, ці то апазыцыю. Прынамсі, апошняе ў кантэксьце апошніх расейскіх пагрозаў было б лягічна. Дарэчы, ніякай адкрытай крытыкі апазыцыі на гэты раз не прагучала.
Партыя ні так, ні не
«Мне настойліва прапануюць стварэньне партыі ці руху», – прызнаўся А.Лукашэнка ў тым, што ягонае атачэньне просіць утварыць больш прадказальную сыстэму кіраваньня і пераемнасьці.
Тут камэра спынілася на Віктару Аляксандравічу Лукашэнку ў крэмавым гарнітуры. У дзень прамовы ў сталіцы было нязвыкла душна, сыноптыкі абяцалі аж 27 градусаў.
Кітайская пагроза
Прыйшла чарга гаспадаркі. А.Лукашэнка абгаварыў «пытаньні якасьці» прадукцыі, безь якой ня можа быць прагрэсу. Ён пахваліў сваё кіраваньне, пры якім краіна разьвівалася хутчэй, чым СНД і ЭС. А будучыня, сказаў ён, – за інавацыямі.
Беларуская прадукцыя больш якасная, чым кітайская, запэўніваў ён, таму ня трэба валіць на кітайскую канкурэнцыю.
Карацей, палітычны аўтарытарызм зьбіраецца насаджаць эканамічны лібэралізм, якога так баяцца тыя, каму трэба «сплочваць доўг». Каб жа з гэтага чаго ня выйшла.
Складаная сытуацыя ў сьвеце
Палітычны і эканамічны блёкі былі руціннымі, але замежнапалітычны па нуднасьці быў проста нечуваны. За апошнія 12 гадоў беларусы ад такога адвыклі і таму адчулі лёгкую занепакоенасьць.
«Ціск Захаду і пагаршэньне эканамічнай каньюнктуры» – так схарактарызаваў А.Лукашэнка ўмовы, у якіх працуе беларуская дыпляматыя.
Курс на яднаньне з Расеяй застаецца нязьменным, запэўніў А.Лукашэнка. Без аніякіх дэталяў. І ўсё ўсім стала ясна.
Каментары