Урад Польшчы пакуль не разглядае варыянты аднаўлення спрошчанага рэжыму перасячэння польска-расійскай мяжы жыхарамі прыгранічных рэгіёнаў, паведамляе Радыё Польшча.
Прыпыненне малога прымежнага руху паміж Расіяй і Польшчай у ліпені 2016 года не скараціла колькасць турыстаў і не знізіла аб'ём гандлёвага абароту паміж рэгіёнамі.
У той жа час скараціліся выпадкі кантрабанднай перавозкі праз мяжу цыгарэт і бензіну. У сувязі з гэтым урад Польшчы пакуль не разглядае варыянт аднаўлення спрошчанага рэжыму перасячэння польска-расійскай мяжы жыхарамі прымежных рэгіёнаў.
Адпаведная інфармацыя з'явілася ў адказ на просьбу дэпутата Польскай сялянскай партыі Уршулі Паслаўскай, выказаную ад імя жыхароў Вармінска-Мазурскага ваяводства Польшчы, аб аднаўленні малога памежнага руху. Як адзначыла дэпутат, будучы Чэмпіянат свету па футболе з'яўляецца добрым момантам для аднаўлення цывілізаваных гандлёвых адносін з Расіяй.
Па словах віцэ-міністра ўнутраных справаў і адміністрацыі Польшчы Якуба Скіба, рашэнне аб спыненні МПР было прынятае з меркаванняў нацыянальнай бяспекі. Палітык адзначыў, што ў апошнія гады польскія службы фіксуюць частыя негатыўныя з'явы, напрыклад, рост мілітарызацыі Калінінградскай вобласці і актыўнасць спецслужбаў і сілавых структур РФ, а таксама іншыя дзеянні гібрыднага характару, звязаныя з выведкай, кібератакамі, правакацыямі і эканамічным ціскам.
Цяпер чытаюць
Памерла палітзняволеная Алена Панкова. Паўгода назад яе асудзілі за ўдзел у пратэстах1
Памерла палітзняволеная Алена Панкова. Паўгода назад яе асудзілі за ўдзел у пратэстах
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары