Каля будоўлі шматпакутнага гатэля ля менскага цырку праз некалькі гадоў знялі плот, які перакрываў веладарожку, паведамляе tut.by. З гэтай нагоды аб'ект наведаў кіраўнік сталіцы Андрэй Шорац. У сувязі з гэтым сімвалічны велазаезд правялі чыноўнікі і прадстаўнікі новага інвестара — расейскага «Сбербанку».
«Гэта была адна з умоваў «Сбербанку» Расіі, што [трэба] максімальна хутка запусціць веладарожку. Каб зняць дыскамфорт, які некалькі гадоў адчувалі жыхары і госці гораду», — сказаў Андрэй Шорац.
Шматфункцыянальны комплекс з элітным гатэлем каля цырку пачынала ўзводзіць кампанія «Эліт Эстэйт», якая з'яўлялася даччыным прадпрыемствам групы кампаній «Трайпл». Аб'ект планавалі здаць яшчэ на 1 траўня 2014 году, да старту чэмпіянату свету па хакеі.
Але будаўніцтва затармазілася. А ў 2016 годзе і зусім спынілася з прычыны фінансавых праблем заказчыка разам з затрыманнем гаспадара «Трайпла» Юрыя Чыжа.
У выніку ў 2017 годзе гатэль адышоў расейскаму Сбербанку з дысконтам ў 47% за 50 мільёнаў долараў. Заканчэнне будаўніцтва гатэльнага комплексу ля цырку запланавана на 31 снежня 2020 года.
Цяпер чытаюць
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?9
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары