Школы будуць падцягваць пад гімназіі, а не наадварот — Мінадукацыі пра тое, што зменіцца для вучняў
Колькасць урокаў матэматыкі і англійскай у гімназіях скарачацца не будзе, а ў школах таленавітым вучням дадуць магчымасць займацца дадаткова. Мінадукацыі патлумачыла, што можа змяніцца ў новым навучальным годзе, калі ў гімназіі адменяць уступныя экзамены, піша Tut.by.
- Сёння мы гаворым пра роўнадаступную адукацыю. У сістэме адукацыі застануцца, як і было, і гімназіі, і школы, - кажа прэс-сакратар Міністэрства адукацыі Людміла Высоцкая.
Асноўнае адрозненне сёння школ ад гімназіяў — у колькасці гадзін замежнай мовы. У школьнікаў тры гадзіны на тыдзень, у гімназістаў - 5.
- У гімназіях не будуць скарачаць гадзіны, наадварот, школам дадуць магчымасць павялічваць колькасць гадзін, - тлумачаць у Міністэрстве адукацыі. - Але трэба разумець, што адно дзіця хоча вучыцца на павышаным узроўні, а другое — не. Дык вось таленавітым дзецям у школах створаць магчымасць займацца дадаткова — матэматыкай, англійскай ці іншымі прадметамі ў рамках факультатываў, якія сёння бясплатныя. Яны будуць прызначацца па жаданні вучня.
Пасля адмены экзаменаў у 5-я класы і ў школы, і ў гімназіі дзяцей будуць залічаць пераважна па тэрытарыяльнай прыкмеце. Прыняцце адпаведнага нарматыўна-прававога акта, запэўнілі ў Міністэрстве адукацыі, адрэгулюе ўсе пытанні.
У Міністэрстве адукацыі нагадваюць пра яшчэ адзін аргумент, які, дарэчы, не раз называлі самі бацькі, - крокавая даступнасць ўстаноў агульнай сярэдняй адукацыі для навучання дзіцяці побач з домам. З гэтай мэтай плануецца адкрываць гімназічныя класы і ў школах.
- Не трэба забываць пра бяспеку. Няправільна, што бацькі возяць дзіця ў іншыя раёны горада.
Цяпер чытаюць
«Мы кідалі камяні, каб яны не ўзляталі». Адным з тых, хто спрабаваў спыніць дроны, што выляталі з фур, быў беларус Антон38
Каментары