Пераможцаў гарадскога этапу рэспубліканскага конкурсу «Жанчына года — 2017» урачыста ўзнагародзілі на святочнай імпрэзе ў Палацы Рэспублікі, піша БелТА.
Конкурс праводзіўся ў некалькіх намінацыях. «Жанчынай у навуцы» стала загадчыца кафедры хімічнай перапрацоўкі драўніны БДТУ, доктар тэхнічных навук, прафесар Наталля Чорная.
У намінацыі «Лідарства і паспяховае кіраўніцтва» адзначаныя адразу дзве жыхаркі сталіцы. Гэта дырэктар прадпрыемства «Мінскінтэркапс» Ірына Падабед, а таксама галоўны доктар 5-й гарадской дзіцячай паліклінікі Юлія Гатоўка.
Загадчыца аддзялення партальнай гіпертэнзіі 9-й гарадской клінічнай бальніцы Алена Аўдзей стала лаўрэатам у намінацыі «Ратуючы жыццё». Яна першая і адзіная жанчына хірург, якая выконвае трансплантацыю печані ў Беларусі.
У намінацыі «Духоўнасць і культура» перамагла рэдактар аддзела культуры часопіса «Гаспадыня» Валянціна Паліканіна, аўтар 13 кніг вершаў і прозы, лаўрэат рэспубліканскіх і міжнародных прэмій.
У намінацыі «Мацярынская слава» адзначана Таццяна Рамашка — разам з мужам яна выхоўвае 8 прыёмных дзяцей.
Цяпер чытаюць
З праекта будаўніцтва мінскага метро выкінулі яшчэ дзве станцыі — «Кіеўскі сквер» і «Політэхнічную»7
Каментары