Свет55

Саудаўская Аравія плануе ператварыць Катар у востраў

Саудаўскі інвестыцыйны саюз плануе вырыць канал на мяжы з Катарам, ператварыўшы яго ў востраў, і рэалізаваць турыстычны праект у дадзеным рэгіёне, паведамляе саудаўская газета Sabq.

Штучны востраў у Досе (Катар). Фота © AP Photo / Hassan Ammar

Як чакаецца, гэтыя працы зоймуць усяго 12 месяцаў. На дадзены момант саюз чакае афіцыйнага дазволу ўладаў.

Шырыня канала складзе 200 метраў, глыбіня - 15-20 метраў і даўжыня - 60 кіламетраў. Такім чынам, падобны канал зможа прымаць усе віды марскіх судоў. Саудаўская Аравія зможа звязаць пры дапамозе новага марскога шляху партовы горад каралеўства Салвэсь і раён Хур аль-Адзідзі, размешчаныя па краях сухапутнай мяжы з Катарам.

Плануецца, што на рэалізацыю гэтага праекта спатрэбіцца вылучыць 2,8 мільярда саудаўскіх рыалаў (каля 600 мільёнаў еўра), піша выданне.

Згодна з праектам, на новых берагах каралеўства будуць размешчаны курорты з прыватнымі пляжамі і пяці галоўнымі гатэлямі. Акрамя таго, у раёне канала плануецца пабудаваць новыя парты і адкрыць дзве круізныя кампаніі для ажыццяўлення марскіх шпацыраў у іншыя краіны Персідскага заліва. Таксама ў рэгіёне будзе створана свабодная гандлёвая зона.

Адзначаецца, што канал будзе належаць толькі Саудаўскай Аравіі, так як ён будзе выкапаны на тэрыторыі каралеўства на адлегласці аднаго кіламетра ад афіцыйнай лініі мяжы з Катарам. Участак сушы на мяжы з Катарам будзе служыць у якасці ваеннай зоны для абароны каралеўства.

З чэрвеня мінулага года Саудаўская Аравія, Егіпет, ААЭ і Бахрэйн разарвалі дыпадносіны з Катарам, абвінаваціўшы яго ў падтрымцы тэрарызму і спыніўшы з ім ўсякія зносіны.

Каментары5

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Дарадца Трампа па нацбяспецы выпадкова дадаў журналіста ў сакрэтны чат у Signal. Раскрытыя механізмы прыняцця рашэнняў9

Дарадца Трампа па нацбяспецы выпадкова дадаў журналіста ў сакрэтны чат у Signal. Раскрытыя механізмы прыняцця рашэнняў

Усе навіны →
Усе навіны

У Белгарадскай вобласці знішчаныя 4 расійскія верталёты — Сілы спецыяльных аперацый Украіны2

Шалупінне ад чырвонай цыбулі стала абаронным слоем для сонечных батарэй2

Беларус жыўцом згарэў у грузавіку ў Маскве

На польскай мяжы на выезд з Беларусі стаіць больш за 1000 аўтамабіляў

Гэта цяпер адна з топавых куцюр’е ў свеце. Яе сукенкі заварожваюць7

Юлія Чарняўская: Іншы раз яны проста такімі нараджаюцца16

Кіраўнік Магілёўшчыны сабраўся будаваць у сябе ў рэгіёне тое, назвы чаго ён не ведае16

Пасля выступлення Луганскага тэатра ў Мінску адна з глядачак выгукнула «Слава Украіне!»10

УСУ ўзялі пад кантроль вёску ў Белгародскай вобласці Расіі 9

больш чытаных навін
больш лайканых навін

Дарадца Трампа па нацбяспецы выпадкова дадаў журналіста ў сакрэтны чат у Signal. Раскрытыя механізмы прыняцця рашэнняў9

Дарадца Трампа па нацбяспецы выпадкова дадаў журналіста ў сакрэтны чат у Signal. Раскрытыя механізмы прыняцця рашэнняў

Галоўнае
Усе навіны →

Заўвага:

 

 

 

 

Закрыць Паведаміць