Двухтомная кніга ўспамінаў лаўрэата прэміі Гедройця 2016 года Макса Шчура «Спроба эксперыментальнага канструявання сябе» днямі выйшла з друку. Гэта першая публікацыя новай выдавецкай ініцыятывы SayBeat, піша Budzma.org.
Гэта кніга — белетрызаваная аўтабіяграфія. Сам аўтар Макс Шчур азначае жанр кнігі як «мэм-угáры». Ягоная спроба зразумець, чым ёсць і як узнікае асобна ўзятае чалавечае «я», падаецца з уласцівым аўтару гумарам.
Ніякіх падрабязнасцяў, у тым ліку інтымных, ён ад чытачоў не хавае. Жыццё продкаў у Буэнас-Айрэсе, дзяцінства часоў «перабудовы» ў Берасці і Карэлічах, sex drugs rock’n’roll і пачуццёвая анархія ў Менску, пошукі сэнсу, грошай і кахання ў Празе і Стакгольме — усё гэта аўтар апісвае, «не цураючыся ніякіх тэмаў, выразаў і вобразаў». Верагодна, што такой шчырай кнігі ў белліце яшчэ не было.
Аб’ём кнігі — 430 старонак (першы том) і 500 старонак (другі).
Кнігу можна набыць у варшаўскай кнігарні «Кнігаўка».
Макс Шчур — палітэмігрант, паэт, перакладчык, лаўрэат прэміі Гедройця(2016 года за раман «Завяршыць гештальт» і прэміі Юхнаўца 2004 года за раман «Там, дзе нас няма». З 1998 года жыве ў Чэхіі. Аўтар шэрага кніг паэзіі і прозы («Ліст, знойдзены на папялішчы», «Галасы», «Кінараман»), перакладчык з англійскай, іспанскай, чэшскай і іншых моў. Галоўны рэдактар сайта «Невідочнае места» (2003—2008) і віртуальнага літаратурнага часопіса «ЛітРаж» (2013—2020). Пераклаў на беларускую фільм «Крымінальнае чытво», у 2008—2020 гадах як перакладчык супрацоўнічаў з тэлеканалам «Белсат». Аўтар ютуб-канала, дзе публікуе свае пераклады песень і развагі пра будызм.
Цяпер чытаюць
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА35
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны44
Каментары