Гэтую магчымасьць ня выключыў Лукашэнка на сустрэчы з кіраўніцтвам Кітайскай Гуандунскай ядзернай энергетычнай карпарацыі.
Пры выбары кампаніі для будаўніцтва АЭС Беларусь будзе зыходзіць выключна з прагматычных мэт.
Аб гэтым заявіў сёння Прэзідэнт Беларусі Аляксандр Лукашэнка на сустрэчы з кіраўніцтвам Кітайскай Гуандунскай ядзернай энергетычнай карпарацыі.
«Гэта вельмі сур’ёзны праект. Бяспека АЭС у краіне, якая знаходзіцца ў цэнтры Еўропы, — гэта і міжнародная адказнасць перад партнёрамі і суседзямі», — падкрэсліў кіраўнік дзяржавы.
Аляксандр Лукашэнка чарговы раз заявіў, што пры выбары праекта перавага будзе аддадзена больш бяспечнаму, таннаму і якаснаму.«Скажу адкрыта і шчыра, што мы сумленна правядзём тэндэр. Калі ваша карпарацыя прапануе больш выгадныя ўмовы і абавяжацца пабудаваць у Беларусі атамную электрастанцыю, бяспечную па ўсіх сусветных стандартах, танную, якасную, то будзеце будаваць вы. Калі іншая кампанія прапануе лепшыя варыянты, то, зразумела, будзе будаваць яна», — сказаў Прэзідэнт, звяртаючыся да кіраўніцтва Кітайскай Гуандунскай ядзернай энергетычнай карпарацыі.
Пры гэтым беларускі лідэр адзначыў вопыт карпарацыі ў будаўніцтве атамных электрастанцый.«Тое, што вы ў Кітаі самі будуеце АЭС, у вас ёсць пэўны вопыт, і вы супрацоўнічаеце з самымі буйнымі сусветнымі кампаніямі, тое, што вы сёння самі можаце спраектаваць і пабудаваць АЭС, — гэта дарагога каштуе, і мы гэта ўлічваем».
Кіраўнік дзяржавы нагадаў, што ў свой час даручыў ураду прапанаваць усім сусветным кампаніям, якія маюць такі вопыт, прыняць удзел у конкурсе на будаўніцтва АЭС у Беларусі. Такія запрашэнні былі накіраваны амерыкана‑японскай, франка‑германскай, расійскай кампаніям і Кітайскай Гуандунскай ядзернай энергетычнай карпарацыі.
Цяпер чытаюць
«Як толькі чуюць пра Расію — дык усё… У чым праблема?» У Мінску не хочуць здаваць кватэру чалавеку з расійскім пашпартам14
Каментары