Найбольшай колькасцю гульцоў у 1/2 фіналу прадстаўлены, зразумела, англійскі клуб. Але гэта не «МанСіці» і не «МЮ»
«Тотэнхэм» мае самае вялікае прадстаўніцтва гульцоў у 1/2 фіналу ЧС-2018.
У заяўках зборных Англіі, Францыі, Бельгіі і Харватыі зараз усяго 92 футбалісты (84 гульцы ўжо выходзілі на поле), харваты па ходзе турніру адлічылі форварда «Мілана» Ніколу Калініча.
Лідары па колькасці гульцоў, якія выходзілі на поле: «Тотэнхэм» (9), «Манчэстэр Сіці» і «Манчэстэр Юнайтэд» (у абодвух — па 7), «Чэлсі» (5), «Барселона» і «Манака» (у абодвух — па 4 ).
«Тотэнхэм» на ЧС прадстаўляюць у зборнай Англіі: Кейн, Дэле Алі, Дайр, Трып'ер, Роўз, у Бельгіі — Дэмбеле, Вертонген, Альдэрвейрэлд, у Францыі — Льёрыс.
Каментары