Новы артыкул старшыні Канстытуцыйнага суда Расіі Валерыя Зоркіна ў «Расійскай газеце» пра неабходнасць зменаў у расійскай канстытуцыі выклікаў бурную рэакцыю ў расійскім грамадстве. Пецярбургскае выданне «Фонтанка» адзначае, што пытанне змянення расійскай канстытуцыі звязана з так званай «Праблемай-2024», бо цяперашняя расійская канстытуцыя не дае магчымасці Уладзіміру Пуціну заставацца прэзідэнтам Расіі пасля 2024 года. А сыходзіць са сваёй пасады ён, здаецца, не збіраецца. І адзін з варыянтаў вырашэння «Праблемы-2024» — стварэнне на базе саюза Беларусі і Расіі новай дзяржавы, прэзідэнтам якой мог бы стаць Пуцін.
«Фонтанка» адзначае, што любы расійскі самадзержац ніколі ў адстаўку не падаваў. Было адно шчаслівае выключэнне — Барыс Ельцын. Прыбраць абмежаванне па тэрмінах, вядома, тэарэтычна можна, але выхад гэта дрэнны. Літаральна фізічна адчуваецца сёння непапулярнасць такога кроку ў Расіі.
Найлепшае выйсце — гэта ўспомніць праект аб'яднання Расіі з Беларуссю, лічыць «Фонтанка». Гэта дасць магчымасць Пуціну кіраваць паводле новай канстытуцыі яшчэ гадоў 12 (да 2036 г.) альбо нават даўжэй, з іншага боку — Расія атрымлівае Крым-2. Расіяне забудуць пра цяжкае жыццё і шчыра парадуюцца вяртанню «спрадвечных зямель».
Паводле сцэнару «Фантанкі», Лукашэнку ў такой сітуацыі могуць паабяцаць пасаду віцэ-прэзідэнта з масай розных дабротаў і гарантый недатыкальнасці. Беларусь надзяляецца адмысловымі правамі і высокай ступенню самастойнасці. Лукашэнка працягвае выконваць функцыі прэзідэнта, але, натуральна, з абмежаванымі паўнамоцтвамі:
«Расія — імперская краіна. І беларускае пытанне ёй прыйдзецца рана ці позна вырашаць. Кінуць гэтую краіну рухацца памаленьку на Захад па меры змены пакаленняў — усё роўна што аддаць Крым Украіне. Так што расійскім кіраўнікам так ці інакш, але давядзецца неяк рэагаваць. Чаму б не сумясціць важнае з карысным: умацаваннем прэзідэнцкага самадзяржаўя?»
— піша «Фонтанка».
Чытайце таксама:
Уладзіслаў Іназемцаў: Для падтрымання патрыятычнага чаду Расіі трэба акупаваць цяпер цэлую краіну. І кандыдат тут толькі адзін
Росбалт: Адзіны шанец Пуціна застацца ва ўладзе і падняць свой рэйтынг — далучыць Беларусь
Цяпер чытаюць
Загінуў былы палітвязень Аляксей Ляўкевіч. Яго вызвалілі тры месяцы таму пасля візіту Коўла1
Загінуў былы палітвязень Аляксей Ляўкевіч. Яго вызвалілі тры месяцы таму пасля візіту Коўла
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю3939
Каментары