Пра гэта заявіў Аляксандр Лукашэнка сёння на адкрыцці сустрэчы Асноўнай групы Мюнхенскай канферэнцыі па бяспецы, піша БелТА.
«Рашэнне ўкраінскага канфлікту — ключавое пытанне бяспекі ў Еўропе. Без яго ўрэгулявання мір на кантыненце будзе заставацца пад пагрозай», — сказаў Аляксандр Лукашэнка.
Ён агучыў канкрэтныя прапановы па забеспячэнні міру ва ўсходніх рэгіёнах Украіны.
«Будзем шчырымі: рашэнне канфлікту на Данбасе, пры жаданні, магло б быць ужо даўно знойдзена. Трэба працягваць працу па ўзмацненні магчымасцяў Спецыяльнай маніторынгавай місіі АБСЕ ва Украіне і трохбаковай кантактнай групы. Мы гатовы разгледзець стварэнне ў Мінску тэхнічнага пункта трохбаковай кантактнай групы і іншага, на што мы здольныя сёння дамовіцца ў Еўропе», — заявіў кіраўнік дзяржавы.
Ён таксама лічыць важным дапоўніць дыпламатычны дыялог ўзаемасувязямі парламентарыяў, прадстаўнікоў рэгіянальных уладаў, грамадзянскай супольнасці і экспертаў.
«Неабходна весці далейшы пошук узаемапрымальнага рашэння па размяшчэнні на Данбасе міратворцаў. Магчыма, разгледзець варыянт размяшчэння сумеснай місіі ААН і АБСЕ ва Украіне. У яе склад могуць увайсці вайскоўцы, паліцэйскія, грамадзянскі персанал з краін, якія на працягу ўсяго перыяду канфлікту ўносілі пасільны ўклад у яго вырашэнне. Трэба забяспечыць прынцып паэтапнага разгортвання гэтай місіі, але часу амаль не засталося», — сказаў Аляксандр Лукашэнка.
На думку беларускага кіраўніка, таксама варта было б актывізаваць і працу ў «нармандскім фармаце», каб забяспечыць дакладны механізм кантролю за выкананнем мінскіх пагадненняў. «Аднак з улікам вопыту ранейшых гадоў ёсць асцярогі, што гэтага будзе недастаткова», - адзначыў ён.
«Беларусь — невялікая дзяржава, але мы гатовыя ўносіць сваю лепту ў вырашэнне тых ці іншых канфліктаў. Што мы, у прынцыпе, ужо робім. Але хочам адчуваць нашу вялікую запатрабаванасць з боку асноўных сусветных гульцоў», - заявіў ён.
«Прасцей кажучы, мы можам узяць на сябе адказнасць за забеспячэнне міру ва ўсходніх рэгіёнах Украіны і кантроль на расійска-ўкраінскай мяжы, а таксама суправаджаць правядзенне выбараў на Данбасе, зыходзячы з разумення таго, што гэтыя рэгіёны з'яўляюцца неад'емнай часткай Украіны», - рэзюмаваў кіраўнік дзяржавы.
Цяпер чытаюць
«Шпіён у кішэні»: расійскі месенджар Max сочыць за карыстальнікамі і дапамагае блакаваць VPN7
Каментары