«Гэта не заробак, гэта бонус». Некаторым беларусам падабаецца атрымліваць частку зарплаты прадуктамі
Каментатары тыктоку разбураюць некаторыя стэрэатыпы багатых жыхароў сталіцы.
Жыхар Латвіі і папулярны сярод пэўнага сегменту карыстальнікаў інтэрнэту блогер Максім восенню мінулага года пераехаў у Беларусь. Праз год пасля пераезду мужчына ўладкаваўся на працу.
Ролік у тыктоку з інфармацыяй аб тым, як мужчына хваліць Беларусь за тое, што на яго прадпрыемстве частку заробку выдаюць прадуктамі, выклікаў бурнае абмеркаванне.
Асобныя каментатары падкрэсліваюць, што гэта не частка заробку, а менавіта бонус да заробку. Некаторыя параўноўваюць гэта з даплатай на харчаванне:
«Гэта не частка заробку, гэта плюс да заробку. На маёй працы таксама 170 рублёў даплачваюць на харчаванне. Але не прадуктамі, а проста грашыма. На кожным прадпрыемстве па-рознаму».
«Вы, відаць, няўважліва слухалі, гэта плюс да заробку, не трэба ўсё пераварочваць з ног на галаву, а ўважліва слухаць, што чалавек гаворыць».
Іншыя заўважаюць, што шмат на якіх прадпрыемствах даюць сертыфікаты ці талоны ў краму.
Асобныя пагаджаюцца, што «часам даюць частку заробку прадуктамі, але гэта не батоны, як вы думаеце, а добрая каўбаса, мяса, малочка!»
Ёсць і ўдакладненні аб тым, што такая практыка распаўсюджана ў аграгарадках: «У некаторых аграгарадках выдаюць бонус, кожны месяц прадуктамі. У Рэчыцкім раёне так».
Некаторыя каментатары бачаць у гэтым сацыяльны пакет, які існуе ў іншых краінах:
«У Брытаніі на дзяржаўнай працы таксама ёсць зніжкі на тавары ў крамах, прадукты, спартыўныя залы і часткова аплачваецца медстрахоўка», — заўважае адзін з каментатараў.
Іншы дадае: «А што ў гэтым дзіўнага? У Германіі нармальна атрымаць карткі ад магазінаў і для заправак чыпы таксама. Гэта не абкладаецца падаткам, і фірмы даюць кіраўнічым і не толькі пасадам».
«У рыжскім порце табе ў канцы змены малако даюць… Асабіста атрымліваў… У Германіі таксама выдаюць на многіх фірмах флаер, за які ты можаш набраць прадуктаў».
Аднак многія каментатары не бачаць, у чым тут выгада.
«Заробак прадуктамі — гэта, зразумела, паказчык. І чамусьці ён не паказаў свой заробак. Хіба што ў шоку», — заўважае адзін з карыстальнікаў.
«А потым і ўвесь заробак выдадуць прадуктамі», — прагназуе іншы.
«Не, заробак у прадуктах — гэта, зразумела, геніяльна. Як увесь свет да гэтага не дадумаўся», — дзівіцца яшчэ адзін.
Найбольш лайкаў атрымаў каментар: «Нешта, акрамя гэтага Максіма, ніхто не імкнецца ехаць жыць у Беларусь».
Цяпер чытаюць
Пасля выступлення Луганскага тэатра ў Мінску адна з глядачак выгукнула «Слава Украіне!»6
Каментары
Любая зп (в том числе, и бонусы, и и премии) должны быть в денежном эквиваленте. Чтобы человек мог сам купить, что надо. Я свой "подарок" практически весь раздал, потому что такое не ем