У Страсбургу міністр замежных спраў Літвы Габрыэлюс Ландсбергіс ад імя ўрада падпісаў пагадненне аб супрацоўніцтве з Радай Еўропы (РЕ) шляхам стварэння ў Вільні інфармацыйнага цэнтра РЕ для народа Беларусі.
Пра гэта піша Delfi.
«Спадзяюся, што гэты цэнтр адыграе ключавую ролю ў распаўсюдзе інфармацыі і ўмацаванні патэнцыялу ў галіне правоў чалавека, дэмакратыі і вяршэнства закона, каб, калі прыйдзе час, народ Беларусі стварыў дэмакратычную і квітнеючую будучыню для сваёй краіны», — сказаў Ландсбергіс.
Як паведамляе Міністэрства замежных спраў, пагадненне падпісана з улікам дамоўленасцяў, дасягнутых кантактнай групай РЕ па супрацоўніцтве з прадстаўнікамі дэмакратычных сіл і грамадзянскай супольнасцю Беларусі. Літва, якая займае пасаду старшыні Камітэта міністраў РЕ, унесла добраахвотны ўклад у стварэнне цэнтра.
МЗС падкрэслівае, што падтрымка грамадзянскай супольнасці, праваабаронцаў і незалежных СМІ Беларусі і іншых краін, прыгнечаных аўтарытарнымі рэжымамі, ёсць доўгатэрміновым прыярытэтам знешняй палітыкі Літвы.
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?3
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1616
Каментары
У Літве вельмі шмат нейкіх беларускіх цэнтраў, штабоў і арганізацый, якія невядома чым займаюцца і нават не адказваюць беларусам на запыты, на жаль.