Прэзідэнт Ісландыі Гудні Ёханесан, які ў 2017 годзе прапанаваў забараніць піцу з ананасам (гавайскую піцу), прызнаў, што яму не варта было гэтага рабіць. Яго словы прыводзіць канадская тэлерадыёвяшчальная карпарацыя CBC.
Ёханесан сказаў, што «зайшоў занадта далёка» і шкадуе пра гэта. Па словах прэзідэнта, ён не павінен быў прапаноўваць забараніць піцу, бо кожны чалавек вольны выбіраць той топінг, які яму падабаецца, і гэта значна важней, чым яго меркаванне.
У лютым 2017 года, сустракаючыся са студэнтамі ў Канадзе, Ёханесан заяўляў, што, калі б у яго былі паўнамоцтвы, ён забараніў бы піцу з ананасам. Кіраўнік дзяржавы патлумачыў, што аддае перавагу піцы з морапрадуктамі.
У падтрымку піцы з ананасам запусцілі флэшмоб #TeamPineapple. Да яго, сярод іншых, далучыўся прэм'ер-міністр Канады Джасцін Трудо. «У мяне ёсць ананас. У мяне ёсць піца. І я падтрымліваю гэты цудоўны твор Паўднёва-Заходняга Антарыа», — напісаў ён у твітары. (Кухар Сэм Панопулас, які лічыцца стваральнікам гавайскай піцы, жыў у канадскай правінцыі Антарыа).
Цяпер чытаюць
18‑гадовага хлопца абвінавацілі ў адмаўленні генацыду беларускага народа7
Каментары