Міністр працы: Кожны зможа праверыць, ці ёсць ён у спісе «дармаедаў»
Доступ да базы дадзеных беларусаў, якія «не занятыя ў эканоміцы», зможа атрымаць кожны. Пра гэта паведаміла міністр працы і сацыяльнай абароны Рэспублікі Беларусь Ірына Касцевіч на семінары ў Віцебску, паведамляюць «Вітебскіе весті».
Гэтая база цяпер карэктуецца і павінна быць адкрыта 1 снежня. Цалкам адкарэктаваныя спісы дармаедаў мусяць быць сфарміраваныя да 1 лютага 2019 года. Таму дакументы, што чалавек вучыцца ці працуе за мяжой, трэба прад'явіць да 21 студзеня 2019 года.
Прапрацоўваецца варыянт інфармавання грамадзян аб тым, што яны трапілі ў «чорны спіс» і будуць плаціць за паслугі ЖКГ па 100-адсоткавым тарыфе, праз «жыроўкі»
Карыстальнікі інтэрнэту змогуць атрымаць доступ да базы не занятых у эканоміцы на Адзіным партале электронных паслуг, лагін і пароль для гэтага выдадуць у службе «адно акно».
Раней ужо паведамлялася, што «дармаеды» будуць вымушаныя аплачваць паслугі ЖКГ па 100% коштах.
Цяпер чытаюць
Мінгарвыканкам пра вулічнае асвятленне: Гэта была разавая акцыя. Сёння ўключаць а 18-й13
Каментары