Беларускія айцішнікі здольныя ствараць прадукт, які не мае аналагаў у свеце, а падтрымліваюць іх на самым высокім дзяржаўным узроўні. Пра гэта Аляксандр Лукашэнка распавёў у інтэрв'ю тэлеканалу «Россия 24».
Лукашэнка прызнаўся, што звярнуць большую ўвагу на гэтую сферу яго прымусіла выказванне аднаго з амерыканскіх спецыялістаў, які прыехаў у Парк высокіх тэхналогій.
— І вось мне адзін амерыканец, які доўга працуе ўжо ў IT-сферы, кажа: «Вы ведаеце, як пра вас кажуць у свеце?» Я думаю: «Ну, цяпер ізноў гадасць якую-небудзь скажа». Ён кажа: «Ведаеце, калі хочаш нешта зрабіць у гэтай айцішнай сферы, то едзь у Амерыку, калі ты хочаш зрабіць нешта складанае — едзь у Індыю, але калі ты хочаш стварыць нешта і зрабіць немагчымае — едзь у Беларусь». Слухайце, я ніколі не быў так уражаны за свае гады прэзідэнцтва, як пасля гэтых слоў. Кажа: «Гэта ў нас у Амерыцы так кажуць, таму мы да вас прыехалі, каб зрабіць некаторыя рэчы, якія мы не можам, — немагчымыя». Я тады, за гэта ухапіўшыся, думаю: «Ну, раз мы нешта можам, чагосьці вартыя, трэба дапамагаць гэтым айцішнiкам».
І мы паволі ішлі да гэтых блокчэйнаў, крыптавалют, дайшлі да іх. І спыніліся. Я запрасіў айцішнікаў: яны ўсё плачуцца там, у сродках масавай інфармацыі, аж да апазіцыйных, нешта ім бракуе. Я сабраў іх і пытаю: ну, вы ж яйкагаловыя, разумныя ўсе, чаго вы плачаце, з чым вы прыйшлі? Глядзяць на мяне. Вось я вам, кажу, даю паўгода тэрмін, напішыце ўсё, што вы хочаце, што вам сёння перашкаджае працаваць у Беларусі. Так, мы прасунутыя і іншае. Час прайшоў, у нешта ўперліся, нешта перашкаджае. Ну, скажыце? Я не настолькі прасунуты. Я, кажу, і да камп'ютара не падыходжу, ёсць у мяне каму працаваць з гэтым камп'ютарам, і дома ён ужо ў 15 гадоў разбіраецца ва ўсім, і тут на працы.
— Коля, сын? — удакладніў Брылёў. Лукашэнка сказаў «так» і працягнуў, што да работы над законамі падключылі эканамічную частку ўрада.
— Заняліся. Праз паўгода прыносяць. <…> І я, не зірнуўшы, вобразна кажучы, усё падпісаў. Поўная свабода. Падаткаў там, вядома, амаль няма, акрамя невялікага падаходнага падатку, але ўсе грошы заробленыя павінны вярнуцца ў краіну. Усё да капейкі вяртаюць.
Каментары