Сапёрная група працуе на плошчы Незалежнасці пасля паведамлення аб мініраванні. Людзей просяць пакінуць прылеглыя тэрыторыі і гандлёвага цэнтра «Сталіца», піша Tut.by.
Закрыты падземны пераход у бок педагагічнага ўніверсітэта на плошчы Незалежнасці. Непадалёк заўважаная машына сапёраў.
«ГЦ «Сталіца» закрыты, працуюць сапёры і міліцыя. Нікога не пускаюць у ГЦ, а тых, хто паспеў увайсці, не выпускаюць на плошчу, і да 12 гадзін будзе закрыты», - напісала Анастасія.
Ва Унутраных войсках пацвердзілі: паступіў сігнал, што аб'ект замініраваны.
«На плошчу выбыла сапёрна-піратэхнічная група выбуховатэхнічнага цэнтра Унутраных войскаў. Спецыялісты ўжо на месцы і прыступаюць да працы. Паведамленне правяраецца», - пацвердзіў TUT.BY афіцыйны прадстаўнік Унутраных войскаў МУС Уладзімір Пархомцаў.
Каментары