«Я па-ранейшаму кладуся ў ложак са сваім мужам». Маргарыта Сіманьян трымае прах Тыграна Кеасаяна на тумбачцы каля ложка
Расійская прапагандыстка, кіраўніца тэлеканала Russia Today Маргарыта Сіманьян расказала пра свае асабістыя перажыванні пасля смерці мужа — рэжысёра і таксама прапагандыста Тыграна Кеасаяна.
Сіманьян заявіла, што не пахавала мужа ў звычайным разуменні. Паводле яе слоў, прах мужа зараз знаходзіцца ў доме — у спальні, на тумбачцы каля ложка.
«Мой кожны дзень пачынаецца з думкі пра яго і заканчваецца. Так хоць нешта ёсць са мной побач. Я па-ранейшаму кладуся ў ложак са сваім мужам. А што ты мне прапануеш зрабіць? Схаваць гэта ў шафу? Я ж ведаю, што ён побач. Ведаю, што ён рады, што гэта так», — расказала яна.
Таксама яна расказала, што яны з Кеасаянам загадзя абмяркоўвалі, дзе будуць пахаваныя. Плануецца, што ў будучыні іх прах змяшаюць і змесцяць у спецыяльны шкляны саркафаг, які будзе ўсталяваны каля дома пад дрэвам.
«Дзе мы будзем ляжаць, мы дамовіліся даўным-даўно. У нас у доме, які мы будавалі пяць гадоў і нарэшце дабудоўваю цяпер ужо я, мы туды ўжо ўехалі, — там пінія пасаджаная. «Я буду ляжаць пад гэтай пініяй. І ты будзеш са мной побач». Я сказала: «Вядома, Тыграша, так і будзе».
І цяпер я будую шкляны саркафаг. Пакуль яго прах побач са мной, на тумбачцы пры ложку. Потым я папрашу мой прах і ягоны прах перамяшаць і паставіць у гэты саркафаг. І мы там будзем з ім, пад пініяй. Нічога ў гэтым няма сумнага», — заявіла прапагандыстка, якая цяпер лечыцца ад раку.
Муж Сіманьян, 59‑гадовы Тыгран Кеасаян, памёр у верасні мінулага года, перад тым праляжаўшы дзевяць месяцаў у коме.
«Проста катастрофа». Прапагандыстка Сіманьян распавяла, што адно з яе дзяцей невылечна хворае
Маргарыта Сіманьян упершыню пасля хіміятэрапіі паказала сябе без парыка
Памёр расійскі прапагандыст Тыгран Кеасаян. Дзевяць месяцаў ён праляжаў у коме
«Хутка ўбачыце мяне ў парыках». Маргарыта Сіманьян заявіла, што лечыцца ад раку
«Мяне грохнуць на другі дзень». Прапагандыстка Сіманьян расказала, як хацела ехаць ваяваць — а пасля перадумала
Цяпер чытаюць
Адцісканні з татам, урокі з мамай. Як жыве і вучыцца сям’я Севярынцаў у Вільні2
Каментары