Сын прэзідэнта Уганды запатрабаваў ад Турцыі мільярд даляраў і самую прыгожую жанчыну краіны сабе ў жонкі
Сын прэзідэнта Уганды, галоўнакамандуючы арміяй краіны Мухузі Кайнеругаба зрабіў у сацыяльных сетках шэраг рэзкіх і правакацыйных заяў у бок Турцыі.
Кайнеругаба сцвярджаў, што Турцыя нібыта не здолее супрацьстаяць Угандзе ў выпадку вайны і нават заявіў, што ў Стамбуле яго сустрэлі б як героя. Таму ён запатрабаваў ад Турцыі адзін мільярд даляраў і «самую прыгожую жанчыну краіны» сабе ў жонкі. А калі Турцыя адмовіцца, то Кайнеругаба прыгразіў закрыць турэцкае пасольства ва Угандзе.
Таксама Кайнеругаба выказаў іншыя дзіўныя ідэі, напрыклад, прапанаваў накіраваць вялікую колькасць людзей у Ізраіль нібыта для яго абароны.
Такія заявы могуць быць звязаныя з напружанымі адносінамі паміж Угандай і Турцыяй, у тым ліку з-за ўплыву ў Самалі. Уганда з 2007 года трымае свае войскі ў гэтай краіне ў рамках місіі Афрыканскага саюза. На працягу амаль двух дзесяцігоддзяў угандскія вайскоўцы ўдзельнічалі ў баях супраць групоўкі «Аш-Шабааб», неслі страты і значныя выдаткі. Турцыя ж з’явілася ў Самалі пазней, але, паводле меркавання Мухузі Кайнеругабы, зрабіла гэта вельмі эфектыўна. Яна пабудавала ў сталіцы краіны Магадзіша вайсковую базу, атрымала кантракты на кіраванне портам і аэрапортам, а таксама ўклала сродкі ў развіццё інфраструктуры краіны.
Дадаткова ўплывае і тое, што ўлады Уганды падтрымліваюць Ізраіль, у той час як турэцкае кіраўніцтва часта яго крытыкуе.
Падобныя выказванні Кайнеругабы ўжо не першы раз выклікаюць міжнародны скандал. Раней ягонаму бацьку, 81‑гадоваму прэзідэнту Уганды Яверы Мусявені, які кіруе аж з 1986 года, ужо даводзілася выбачацца перад іншымі краінамі за заявы сына.
Цяпер чытаюць
Віктар Лукашэнка засвяціў на пасяджэнні НАК свой гадзіннік — цяжкі люкс19
Віктар Лукашэнка засвяціў на пасяджэнні НАК свой гадзіннік — цяжкі люкс
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю77
Каментары
Цікава ці стрымаецца Эрдаган каб жорстка на пажартаваць з гэтай усей крынжаціны?) А так канешне, свету як раз не хапала яшчэ адной вайны..
Як тут нехта вельмі трапна сказаў,што ў будучыні гісторыкі назавуць наш час - часам адмарозкаў ва ўладзе амаль па ўсім свеце.