Былі сігналы: «не пішыце пра тое». Золатава распавяла пра спробы ўладаў кантраляваць Tut.by
Галоўная рэдактарка Tut.by Марына Золатава расказала ў праграме «Ток» пра тое, як дзяржава спрабавала ўмешвацца ў рэдакцыйную палітыку партала.
— Ці спрабуе ўлада зараз кантраляваць Tut.by? Навязваць нейкі там парадак дня, спрабаваць зняць матэрыялы, спрабаваць навязаць, у якім рэчышчы асвятляць падзеі — цэнзура?
— Ведаеце што? Вельмі дзіўна, але такіх спробаў не было ўжо даўно. Я магу сказаць, што нешта такое было пасля выбараў 2010 года, але цяпер…
— А можаце прывесці прыклад, што гэта былі за спробы?
— Гэта было пасля выбараў 2010 года і гэта было ў канцы 2014, калі былі эканамічны крызіс і розныя там чаканні, дэвальвацыйныя і ўсё такое. Пасля выбараў 2010 гэта былі нейкія сігналы кіраўніцтву ад пэўных асоб, што трэба асцярожна: «не пішыце пра тое», «навошта вы гэта робіце?». Я так разумею, нейкія адкрытыя пагрозы былі.
— Вы маеце на ўвазе, што Зісера выклікалі да кагосьці ў Міністэрства інфармацыі, у Адміністрацыю прэзідэнта?
— Як гэта было дакладна — ці ён сам хадзіў, ці яму тэлефанавалі, ці некаму іншаму, — я сказаць не магу. Гэта лепш у яго самога спытацца. Але тое, што такія пагрозы былі, кантакты былі, гэта дакладна.
— Як змянялася ваша рэдакцыйная палітыка пасля гэтага?
— Мы не давалі рэчы, у якіх мы не ўпэўненыя. Дзе ў нас няма доказаў, напрыклад. Вельмі цяжка зараз прывесці канкрэтныя прыклады па тым, што было ў 2010-2011 годзе. Але дакладна, што «маўклівыя акцыі», якія былі ў 2011 годзе, мы, канечне, асвятлялі, нічога не прапускалі. І, мне здаецца, што асвятлялі добра. Што да падзей канца 2014 года, то тады — я думаю ўсе гэта добра ведаюць — выклікалі галоўных рэдактараў незалежных медыя да міністра інфармацыі. Там была з намі праведзена размова, што трэба спакойна асвятляць падзеі, якія адбываюцца ў краіне. За прыклад браць агенцтва БелТА, нешта ў такім ключы. Тады яшчэ Лілія Ананіч размаўляла.
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»6
Каментары