«Барселона» – «Рэал» – 2:0. Пасля 15 тураў каталонскі клуб апярэджвае свайго адвечнага ворага на 12 балаў.
«Барселона» – «Рэал» – 2:0.
Матч прайшоў суботу позна ўвечары на «Камп Ноў» у Барселоне (скончыўся, калі ў Менску было без пяці хвілін гадзіна ночы).
Гэта было ўжо 157-я бітва грандаў гішпанскага футболу. Мадрыд пакуль трымае перавагу: 68 перамог пры ўжо 59 паразах.
Матч на «Камп Ноў» пачаўся пад моцны акампанемент дажджу, што абумовіла ўсю далейшую гульню.
Першы мяч быў забіты на 83-й хвіліне. Вызначыўся Самюэль Это’о. Ён, дарэчы, на 71-й хвіліне не забіў пэнальці.
Пераможную кропку паставіў на 3-й дададзенай хвіліне аргентынец Ліянель Месі, адзін з прэтэндэнтаў на званне найлепшага футбаліста свету паводле версіі ФІФА (будзе названы 12 студзеня) – 2:0.
Аляксандр Глеб выйшаў на 88-й хвіліне, замяніўшы акурат Это’о.
***
Пасля 15 тураў «Барса» апярэджвае «Рэал» на 12 пунктаў (38 супраць 26 балаў). «Рэал» складае чэмпіёнскія правы?
«Барселона» таксама на восем пунктаў апярэджвае «Валенсію», што ідзе 2-й (30 балаў).
У наступную нядзелю, 21 снежня, каталонскі клуб гуляе ў гасцях з адным з любімых клубаў галоўнага трэнера БАТЭ Віктарам Ганчарэнкі – «Вільярэалам». Субмарыны пакуль у чэмпіянаце Гішпаніі – трэція.
Цяпер чытаюць
Анжаліка Мельнікава пасля знікнення набыла дзве кватэры ў Мінску83
Каментары