Зборная Францыі ўпэўнена выйшла ў 1/8 фіналу чэмпіянату свету, перамогшы Швецыю з лікам 3:0. Французы пры гэтым мелі вялікую колькасць галявых момантаў і маглі перамагчы яшчэ больш пераканаўча.
У першым тайме французы не спяшаліся павялічваць тэмп, але паступова цалкам завалодалі ініцыятывай. Яны неаднаразова пагражалі варотам суперніка, траплялі ў штангу і стваралі небяспечныя моманты. А на 45‑й хвіліне Кіліян Мбапэ адкрыў лік пасля хуткага розыгрышу вуглавога.
Пасля перапынку Францыя працягвала кантраляваць гульню. На 53‑й хвіліне Майкл Алісэ вывеў Брэдлі Баркала сам-насам з брамнікам, і той падвоіў перавагу. Для Алісэ гэта ўжо чацвёртая галявая перадача на турніры — ён стаў адным з найлепшых асістэнтаў чэмпіянату.
На 74‑й хвіліне Алісэ зноў стаў аўтарам выніковай перадачы, а Мбапэ аформіў дубль, дакладна рэалізаваўшы выхад сам-насам.
Гэты гол стаў для французскага форварда пятым на турніры, і па гэтым паказчыку ён дагнаў аргенцінца Ліянэля Месі ў спісе найлепшых бамбардзіраў чэмпіянату. Акрамя таго, пасля сённяшняга дубля 27‑гадовы Мбапэ ўсяго на адзін гол адстае ад 39‑гадовага Месі ў спісе найлепшых бамбардзіраў чэмпіянатаў свету за ўсю гісторыю. На рахунку Месі 19 галоў, у Мбапэ — 18. Французскі нападаючы таксама стаў рэкардсменам па колькасці галоў, забітых у плэй-оф турніру (10).
Зборная Швецыі за ўвесь матч амаль не стварыла небяспечных момантаў. Яе вядучыя нападнікі Віктар Дзьёкерэш і Аляксандэр Ісак практычна не атрымлівалі мячоў у атацы. Толькі напрыканцы сустрэчы Дзьёкерэш меў добрую магчымасць забіць, але брамнік французаў Майк Меньян выратаваў сваю каманду.
Паводле статыстыкі, Францыя нанесла 25 удараў па варотах супраць 8 у шведаў, а па ўдарах у створ перамагла з лікам 12:3. Па чаканых галах французы таксама мелі вялікую перавагу — 3,17 супраць 0,67.
У наступным раўндзе плэй-оф 5 ліпеня зборная Францыі сустрэнецца з Парагваем.
Зборная Нарвегіі прайшла Кот д'Івуар дзякуючы пятаму голу Холанда
Нідэрланды — феномен чэмпіянатаў свету. 16 гадоў без паражэнняў — і ніводнага фіналу
Галкіпер Парагвая прадаў сваю форму з-за хваробы сына, а цяпер выбіў Германію і свайго куміра з чэмпіянату свету
Першая мегасенсацыя на чэмпіянаце: Германія вылецела ўжо ў 1/16 ад сціплага Парагвая
Зборная Бразіліі здабыла валявую перамогу над Японіяй і выйшла ў 1/8 фіналу мундыялю
Цяпер чытаюць
Адданага ябацьку, які абражаў Святлану Ціханоўскую ў Threads, кінулі за краты4
Каментары
он любит забивать сохраняя зрительный контакт.