Жанчыны ледзь не пабіліся праз сувенір ад Сабаленка. Іх разнімала ахова ВІДЭА
Летась на Australian Open заўзятары не вельмі добра паставіліся да Арыны Сабаленка і дражнілі яе за гучныя стогны, калі яна гуляла з Эшлі Барці.
У гэтым сезоне беларуска вярнулася ў Мельбурн тэнісісткай топ-15 і адной з галоўных прэтэндэнтак на перамогу. І прынялі яе куды лепш: «Атмасфера была выдатная, сабралася шмат гледачоў, хтосьці нават крычаў маё імя. Калі шчыра, я крыху баялася сюды ехаць. У мінулым годзе я не асабліва спадабалася заўзятарам, таму што я крычала як вар'ятка. Але цяпер я цішэйшая», — распавядала Арына пасля першага круга.
А ў сераду заўзятарства за Сабаленка давяло дзвюх дарослых, самавітых жанчын да вельмі дзіўных паводзін. Пасля перамогі над Каці Болтар беларуска, як звычайна, выкінула на трыбуны напульснік і галаўную павязку ў якасці сувеніраў для гледачоў. Павязку за розныя канцы злавілі дзве дамы, і ні адна ў выніку не хацела саступаць.
Яны прастаялі, учапіўшыся ў яе, некалькі хвілін. У выніку ў сітуацыю ўмяшаліся адразу пяць ахоўнікаў, якія разнялі жанчын і адвялі іх са стадыёна.
Самае крыўднае для фанатак? Ахова забрала павязку, і яна не дасталася ні адной з іх.
This is the greatest thing I’ve seen at the #AusOpen !
Two old ladies fighting over Aryna Sabalenka’s headband, which she threw into the crowd!
Security came and escorted both women from the stadium. They also took the headband away as neither of the ladies would let go. pic.twitter.com/tv0I2mdaTt
Беларусы горача спрачаюцца, ці варта прывязваць дапамогу на дзіця да заробку маці51
Беларусы горача спрачаюцца, ці варта прывязваць дапамогу на дзіця да заробку маці
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары