Мерапрыемства павінна было прайсці ў клубе Re:public 18 снежня 2018. Аднак музыкі расказалі пра гэта толькі цяпер, піша tut.by.
Вакаліст калектыву Любамір Крыжаноўскі распавёў, што канцэрты іх гурта не адмянялі ўжо даўно. Хоць у свой час, кажа суразмоўца, гурт быў у вядомых «спісах» і пытанняў па канцэртах было шмат.
— Але ў апошнія некалькі гадоў такіх пытанняў не было. Гэтае пытанне пачало падымацца нядаўна і толькі датычна Мінска. У мінулым годзе гастрольная дзейнасць па Беларусі ў нас была актыўнай — мы выступалі ў Брэсце, Гродне, Віцебску, Гомелі. Плюс на мерапрыемствах тыпу байк-фестываляў.
Як і раней, у адмове на правядзенне канцэрта Мінгарвыканкам спасылаецца на «Кодэкс аб культуры». Кодэкс, у сваю чаргу, дазваляе адмовіць у выдачы гастрольнага пасведчання з-за «нізкага мастацкага ўзроўню выканаўцаў».
Канкрэтна гэтай адмене вакаліст ТТ-34 Любамір здзівіўся. Хоць і ведаў пра хвалю забаронаў канцэртаў у Мінску. Што тычыцца фармулёўкі — нізкі мастацкі ўзровень — то, лічыць Любамір, параметр «мастацкі ўзровень» павінны вызначаць гледачы, а не чыноўнікі.
— Абсалютна да любых тэкстаў любога выканаўцы можна прычапіцца. У тэкстах заўсёды ёсць пэўная алегорыя, якую можна трактаваць як хочаш. У гэтым жа і ёсць інтрыга! Песня, у якой няма інтрыгі, я лічу, — гэта пустая песня.
Цяпер чытаюць
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары