Прэм'ер Брытаніі Тэрэза Мэй упершыню дапусціла магчымасць пераносу даты выхаду з ЕС на «вельмі абмежаваны тэрмін». Пра гэта яна заявіла, выступаючы ў парламенце, паведамляе Sky News.
Мэй выклала перад дэпутатамі план, які, на яе думку, зможа зняць заклапочанасць бізнэсу наконт таго, што пагаднення з ЕС яшчэ няма, а час да выхаду з блока завяршаецца.
Першым крокам павінна стаць галасаванне 12 сакавіка па пагадненні аб Brexit, што ўхвалена лідарамі ЕС у канцы лістапада мінулага года.
Калі дэпутаты зноў не падтрымаюць гэта пагадненне, то 13 сакавіка Мэй прапануе правесці галасаванне з нагоды падтрымкі парламентам варыянта Brexit без пагаднення.
Калі дэпутаты не падтрымаюць Brexit без пагаднення, то 14 сакавіка прэм'ер дасць магчымасць дэпутатам прагаласаваць за «кароткае, абмежаванае пашырэнне» дзеяння артыкула 50, гэта значыць перанос Brexit. Паводле яе слоў, перанос Brexit магчымы на тэрмін не пазней канца чэрвеня.
Раней Тэрэза Мэй не падтрымлівала магчымасць пераносу даты Brexit.
Цяпер чытаюць
Пасля беларускай вёскі Шнайдэраў больш не бянтэжыць пытанне ЛГБТ. Сям'я з Германіі, якая стала героямі прапаганды, вяртаецца ў ЕС27
Каментары