Генеральная дырэктарка Белта Ірына Акуловіч у чарговы раз выказалася наконт «справы «БелТА». Яе падсумавальныя словы апублікавала «СБ. Беларусь сёння».
***
«Як вядома, найлепшы спосаб абароны — напад. Ад самага пачатку чамусьці справу ахрысцілі «справай БелТА». Тыя, хто гэта прыдумаў, не паленаваліся нават стварыць у Вікіпедыі аднайменную старонку. Напэўна, дзякуючы таму, што першапачаткова нашы апаненты перавярнулі ўсё з ног на галаву і адбылася тая маніпуляцыя грамадскай свядомасцю, якую мы назіраем у інтэрнэце».
***
«Вядома, вельмі шмат было непрыемнага, калі ўсё гэта адбывалася. Былі і абразы асобы, і дэталёвы разбор нашых унутраных дакументаў, якія да крымінальнай справы не маюць ніякага дачынення. Тая ж дамова аб прадастаўленні інфармацыі тычыцца выключна нас і нашых партнёраў, а ніяк не трэціх асоб».
***
«У мяне калегі пыталіся: маўляў, чаму мы нічога не гаворым, не каментуем тое, што адбываецца ў судзе? Ну, па-першае, справа гэта цалкам звычайная і надаваць ёй столькі ўвагі было б дзіўна. Па-другое, суду трэба даць магчымасць працаваць спакойна».
***
«У нейкі момант «справа БелТА» раптам стала «справай Золатавай». Чаму? Думаю, адказ відавочны».
***
«Час мяняецца, мы зрабілі пэўныя крокі і падобнае карыстанне чужымі паролямі ўжо немагчыма. На спробы будзем рэагаваць аператыўна».
Каментары