На тэрыторыі культурнай прасторы «ОК16» 2 красавіка адбылася прэзентацыя ўнікальнага для Беларусі спартыўнага праекту.
Упершыню на тэрыторыі краіны пачынае дзейнасць футбольная ліга для паненак, узрост якіх не перавышае 13 год.
У дэбютным сезоне ў Футбольнай лізе дзяўчат згуляе 60 калектываў з усёй Беларусі: каманды ад ДЮСШ ці іншых спецыялізаваных вучэбна-спартыўных устаноў, а таксама прадстаўніцы звычайных агульнаадукацыйных школ ці фізкультурна-спартыўных клубаў пры выканкамах.
Каманды падзеленыя на восем зон па тэрытарыяльным прынцыпе. Сістэма наступная: каманды ў красавіку-маі з’язджаюцца ў адно месца і гуляюць між сабой па двухколавай сістэме. Пераможцы васьмі рэгіянальных зон выходзяць на рэспубліканскі этап і ў пачатку чэрвеня прыязджаюць у Мінск, дзе ў матчах па алімпійскай сістэме вызначаць найлепшую каманду краіны.
Ліга атрымала хэштэг #WOOOOW— слоган, які не толькі тлумачыць матывацыю дзеянняў, але і яднае ўсе дывізіёны, адлюстроўвае асноўную эмоцыю ад гульні. Акрамя таго, за кожнай тэрытарыяльнай зонай будзе замацаваны спартыўны апякун — футбалістка нацыянальнай зборнай. «Футбольная ліга дзяўчат» атрымала і медыяпаслоў — жанчын з розных галін дзейнасці, якія дамагліся поспехаў у Беларусі.
Важна падкрэсліць, што ліга будзе адукацыйна арыентаванай. Кожны дывізіён будзе названы ў гонар выбітнай беларускі — Уршулі Радзівіл, Саламеі Пільштыновай і гэтак далей.
Цяпер чытаюць
У дакументах па «справе Эпштэйна» знайшлі сляды буйных грашовых пераводаў у Мінск. Зноў усплыло імя Карыны Шуляк38
Каментары