Следам за карэкціроўкай курсу нацыянальнай валюты ў Беларусі павінны адбыцца лібералізацыя цэн і зарплат. Пра гэта гаворыцца ў заяве намесніка дырэктара‑распарадчыка МВФ Такатошы Като па выніках абмеркавання пытання аб Беларусі на Выканаўчай радзе дырэктараў.
За карэкціроўкай курсу нацыянальнай валюты ў Беларусі павінны адбыцца найважнейшыя структурныя рэформы, у тым ліку лібералізацыя цэн і зарплаты. Пра гэта гаворыцца ў заяве намесніка дырэктара‑распарадчыка МВФ Такатошы Като па выніках абмеркавання пытання аб Беларусі на Выканаўчай радзе дырэктараў.
Намеснік дырэктара‑распарадчыка МВФ зазначыў, што карэкціроўка парытэту абменнага курсу дапаможа аднавіць канкурэнтаздольнасць і пераадолець знешнія дысбалансы. Прыняцце новага валютнага кошыка і больш шырокага калідора дазволіць эканоміцы лепш адаптавацца да знешніх шокаў і тым самым зменшыць верагоднасць таго, што спатрэбяцца дадатковыя карэкціроўкі курсу. Павышэнне працэнтных ставак, якое папярэднічала пераходу да новага рэжыму абменнага курсу, і іх наступныя павышэнні будуць садзейнічаць падтрымцы новага рэжыму абменнага курсу, зазначыў адзін з кіраўнікоў МВФ.
Паводле слоў Т.Като, запланаваныя ўрадам найважнейшыя меры ўключаюць скарачэнне мэтавага крэдытавання, дасягненне збалансаванасці бюджэту і абачлівую палітыку ў галіне зарплаты ў дзяржаўным сектары.«Улады Беларусі таксама плануюць у супрацоўніцтве з Сусветным банкам прааналізаваць сістэму сацыяльнай абароны, з тым каб найбольш уразлівыя групы былі абаронены ад эканамічнага спаду і наступстваў павышэння тарыфаў на камунальныя паслугі», — паведаміў Т.Като.
Апрача таго, зазначыў ён, для падтрымання больш высокіх сярэднетэрміновых тэмпаў росту таксама «неабходныя больш агульныя меры» ў падтрымку развіцця прыватнага сектара, у тым ліку скарачэнне органаў дзяржкіравання, дэрэгуляванне і прыватызацыя, якія павінны ажыццяўляцца «максімальна хутка, наколькі дазваляюць рыначныя ўмовы».
«Структурная рэформа ў фінансавым сектары з’яўляецца важным прыярытэтам праграмы. Улады ўжо прынялі агульную гарантыю па ўкладах, але аснову падтрымкі ліквіднасці і плацежаздольнасці фінансавага сектара яшчэ неабходна ўдакладніць. Таксама вельмі важна ачысціць банкаўскую сістэму ад мэтавага крэдытавання. Гэта палепшыць стымулы для банкаў і іх пазычальнікаў да кіравання рызыкамі і ўмацуе становішча капіталу банкаў», — падкрэсліў Т.Като.
Паводле інфармацыі МВФ, меры па бюджэтнай кансалідацыі непасрэдна скіраваныя на зніжэнне тэмпаў росту інвестыцый і спажывання.
У 2009 годзе запаволіцца рост зарплаты ў бюджэтнай сферы і сектары дзяржаўных прадпрыемстваў, і будуць абмежаваныя дзяржаўныя інвестыцыі.Будуць таксама скарочаныя асобныя субсідыі, але пры гэтым будзе ўмацавана сістэма сацыяльнай абароны для падтрымкі найбольш уразлівых слаёў насельніцтва.
У 2009 годзе ў Беларусі прагназуецца рэзкае зніжэнне эканамічнай актыўнасці;
паводле прагнозу МВФ тэмпы росту ВУП складуць 1—2%, тады як у 2008 годзе яны дасягнулі 10,5%.Згодна з прагнозамі інфляцыя ў 2009 годзе знізіцца з 13 да 11,5%.
Як ужо паведамлялася, Выканаўчы савет МВФ 12 студзеня зацвердзіў дамоўленасць аб крэдыце «стэнд‑бай» для Беларусі тэрмінам на 15 месяцаў на 2,46 млрд. долараў ЗША. Першы транш крэдыту ў памеры 788 млн. долараў паступіць у Беларусь ужо сёння.
Каментары