Блогер выплаціць кампенсацыю за гібель дзяўчынкі, якая гатавала папкорн па яе рэцэпце
Папулярны відэа-блогер з Кітая, Ms Yeah, пагадзілася выплаціць кампенсацыі сем'ям 2 дзяўчынак пасля таго, як адна з іх памерла падчас спробы скапіяваць яе відэа, паведамляе ВВС.
У Ms Yeah 7 мільёнаў падпісчыкаў на YouTube, а канал прысвечаны незвычайным рэцэптам, якія можна паўтарыць проста на працы ў офісе.
Відэа з трагічнымі наступствамі для юных фанатак было прысвечана гатаванню папкорна ў кансервавай банцы. Дзяўчынкі 12 і 14 гадоў спрабавалі разагрэць спірт ў банцы, але яна выбухнула.
14-гадовая дзяўчынка памерла ад атрыманых траўмаў, а 12-гадовая мае патрэбу ў пластычнай аперацыі. Прадстаўнікі блогеркі сустрэліся з сем'ямі абедзвюх ахвяр і пагадзіліся выплаціць ім грошы.
Сама блогерка адмаўляе, што дзяўчынкі спрабавалі паўтарыць яе відэа. Яна сцвярджае, што яны выкарыстоўвалі іншы кантэнт, а яе відэа наогул нельга лічыць інструкцыяй і спрабаваць паўтарыць.
Цяпер чытаюць
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі1111
Каментары