Беларуская чыгунка пусціць у Вільню ў дні перапахавання Каліноўскага дадатковыя цягнікі
Беларуская чыгунка ўвяла дадатковыя цягнікі Менск — Вільня і Вільня — Менск на 22—24 лістапада, сказалі ў даведцы чыгункі. У гэтыя дні ў Вільні будуць праходзіць мерапрыемствы з нагоды перапахаваньня паўстанцаў 1863—1864 гадоў, піша радыё «Свабода».
«Гэты цягнік можа прызначацца дадаткова ў пэўныя дні», — сказалі Свабодзе ў даведцы Беларускай чыгункі.
Зь Менску цягнік № 801 будзе выходзіць а 8:13, зь Вільні цягнік № 802 будзе адпраўляцца а 20:15. На момант публікацыі прадалі ўсе квіткі на цягнік Вільня-Менск на 23 і 24 лістапада.
Цырымонія перапахаваньня парэшткаў удзельнікаў антырасейскага паўстаньня 1863-64 гадоў адбудзецца 22 лістапада на віленскіх могілках Росы.
Каментары