Колькі дрэў можна выратаваць, калі ўсе мінчукі адмовяцца ад друкаваных квітанцый на карысць электронных
Рахункі-паведамленні на аплату жыллёва-камунальных паслуг у электронным выглядзе ўжо прыходзяць для 28 612 асабовых рахункаў у Мінску — 3,6% ад агульнай колькасці. Пра гэта карэспандэнту агенцтва «Мінск-Навіны» распавёў дырэктар Цэнтра інфармацыйных тэхналогій Мінгарвыканкама Максім Бардовіч.
Большасць атрымальнікаў электронных квітанцый у сталіцы — жыхары дамоў, якія абслугоўваюцца ЖКГ. Аднак ад друкаванага варыянта адмовіліся таксама 6 710 атрымальнікаў у таварыствах уласнікаў і 786 у прыватным сектары.
— Гэта дазваляе эканоміць 141 кілаграм паперы штомесяц. Каб вырабіць такую колькасць, спатрэбілася б 3 дрэвы, — дадаў Бардовіч.
Калі ўсе 100% плацельшчыкаў за паслугі ЖКГ будуць атрымліваць паведамленні ў электронным выглядзе, гэта дазволіць выратаваць каля 1 000 дрэў штогод.
Адмовіцца ад друкаванай квітанцыі на аплату ЖКГ можна анлайн на сайце філіяла «Адзіны разлікова-даведачны цэнтр Мінска».
Цяпер чытаюць
Святлана Ціханоўская завяла трэдс. Што ёй пішуць беларусы?3
Каментары