«Прамую лiнiю» з жыхарамi Мiнска 4 сакавiка з дзесяцi гадзiн ранiцы да паловы на першую дня правядзе старшыня Камiтэта дзяржкантролю Беларусi Зянон Ломаць.
Як паведамiлi карэспандэнту «Звязды» ў прэс‑службе КДК, па тэлефоне 218‑01‑99 мiнчане могуць задаць пытанне кiраўнiку галоўнай кантрольнай установы краiны, а таксама выказацца наконт працы адказных асобаў дзяржорганаў улады i арганiзацый, прадпрыемстваў розных форм уласнасцi. У Камiтэце адзначылi, што Зянон Ломаць заклiкае жыхароў сталiцы да адкрытага i раўнапраўнага дыялогу, i чакае не толькi паведамленняў аб парушэннях заканадаўства, але таксама i канструктыўных прапаноў, што накiраваныя на пошук дадатковых рэзерваў i магчымасцяў для сацыяльна‑эканамiчнага развiцця дзяржавы.
Мiж iншым, пiсьмовыя звароты, адрасаваныя старшынi КДК Зянону Ломацю, можна да 4 сакавiка пакiнуць у спецыяльнай паштовай скрынi, якая пастаўлена ў Мiнскiм гарадскiм выканаўчым камiтэце па адрасе: праспект Незалежнасцi, 8.
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым3
Каментары