У Мінску на Старавіленскім тракце часова памянялі арганізацыю руху транспарту з-за рамонтных работ. Змены пачалі дзейнічаць з вечара 22 мая (з 23:00) і закранулі ўчастак дарогі паміж вуліцай Нававіленскай і пад’ездам да дома №11.
У выніку зменаў рух транспарту перанесены на адзін бок праезнай часткі. Замест дзвюх палос у кожным напрамку цяпер засталася толькі адна паласа.
Такія абмежаванні ўведзены ў сувязі з пачаткам першага этапу маштабнай рэканструкцыі. У межах праекта плануецца пашырыць магістраль, а таксама перанесці разваротнае кола для трамваяў бліжэй да Палаца дзяцей і моладзі.
Кіроўцаў просяць загадзя ўлічваць гэтыя змены, планаваць маршруты і па магчымасці выбіраць аб’язныя шляхі.
Паводле інфармацыі ДАІ, першы этап работ плануюць завяршыць да пачатку ліпеня.
Цяпер чытаюць
Брат беларускай каралевы прыгажосці трапіў у рэанімацыю ў Азербайджане4
Каментары