У Францыі знайшлі «палеалітычную Венеру», якой 23 тысячы гадоў
Статуэтка багіні ўрадлівасці Венеры часоў позняга палеаліту знойдзеная ў раёне Рэнанкур горада Ам'ен (дэпартамент Пікардзі на поўначы Францыі), піша tass.ru. Па словах навукоўцаў, гаворка ідзе пра выключную знаходку, бо фігурка знаходзіцца ў выдатным стане.
France, découverte d'une très rare "Vénus" du Paléolithique d'il y a 23 000 ans en excellent état https://t.co/S27XFXTkhY pic.twitter.com/0EOuAmHCxe
«Статуэтка вышынёй 4 см адносіцца да граветскай культуры позняга палеаліту. Ёй 23 тыс. гадоў», - гаворыцца ў паведамленні. Век Венеры эксперты вызначылі з дапамогай радыевугляроднага аналізу.
Побач з фігуркай навукоўцы знайшлі некалькі гліняных аскепкаў і рэшткі інструментаў. На думку археолагаў, там магла быць майстэрня, дзе мясцовыя рамеснікі выраблялі прадметы культу.
Усяго на тэрыторыі Еўропы было знойдзена каля сотні падобных фігурак.
Граветская культура — археалагічная культура позняга палеаліту, датаваная 28-21 тыс. г. да н.э. Названая ў гонар пячоры Ла-Гравет у депертаменте Дардонь на паўднёвым захадзе Францыі, дзе ў 1930-я былі знойдзеныя каменныя прылады і прадметы побыту, што характарызуюць гэтую эпоху.
Каментары