Форум апазіцыі называецца «Беларусы годныя лепшага». А па-беларуску правільна так казаць?
«Годныя лепшага» ці «вартыя лепшага»?
26 студзеня ў Варшаве адбудзецца маштабны форум «Беларусы годныя лепшага», арганізаваны апазіцыйнымі сіламі — офісам Святланы Ціханоўскай, Аб’яднаным пераходным кабінетам і Каардынацыйнай радай.
Мерапрыемства адбудзецца ў дзень прэзідэнцкіх выбараў і будзе ўяўляць сабой дыскусіі на розныя тэмы і музычныя выступы.
Але ў некаторых чытачоў «Нашай Нівы» ўзніклі пытанні да назвы форума, яны дзень за днём прапануюць нам выправіць памылковы, на іх думку, выбар слова — памяняць «годныя лепшага» на «вартыя лепшага».
Гэтае ж пытанне ўзнікла ў фэйсбук-суполцы «Толькі пра мову». Мовазнаўца Вінцук Вячорка патлумачыў падпісчыкам, што памылкі ў назве апазіцыйнага форуму няма:
«У старабеларускай мове і ў класікаў так. Годны веры. Годны свайго бацькі (Гарэцкі). Ясна, што цяпер хутчэй скажам «варты нечага», але і «годны нечага» не памылка»
Апроч таго, ён патлумачыў, што «дастойны» і «годны» — толькі частковыя сінонімы.
«Дастойнасць успрымаецца як архаізм, напрыклад, зварот Ваша дастойнасць. Годнасць — сучаснае шматзначнае слова, у тым ліку са значэннем 'званне, тытул': надалі годнасць народнага пісьменніка.
Ну а выраз «годны нечага» — мо нехта ўспрымае яго як архаічны, але я хутчэй лічыў бы яго выразам высокага стылю», — патлумачыў Вінцук Вячорка.
Цяпер чытаюць
Віталь з-пад Вілейкі, які падпаліў хату з уласнымі дзецьмі, завербаваўся ў расійскае войска. І прапаў на першым жа баявым заданні5
Каментары
Ціханоўская кажа "бязвыбараў", НН піша "прэзідэнцкіх выбараў".
А як правільна?