У Мінску паставілі «ялінкі жаданняў» дзяцей, якія апынуліся ў цяжкай жыццёвай сітуацыі. Яны просяць пра цёплыя чаравікі, новыя рукавіцы і плюшавых мядзведзяў. Кожны ахвотны можа выканаць мару дзіцяці ў аўтацэнтры Audi або адным з сямі гандлёвых цэнтраў.
Дабрачынную ініцыятыву праводзіць Чырвоны Крыж. Сутнасць простая: у розных месцах сталіцы стаяць навагоднія ялінкі з цацкамі ці паштоўкамі ў форме аленяня. На адваротным баку кожнай — жаданне дзіцяці, якое без дапамогі неабыякавых людзей наўрад ці споўніцца ў Новы год.
Вялікую «ялінку жаданняў» упрыгожылі ў «Audi Цэнтр Мінск». Выконваць жаданні дзяцей таксама можна ў гандлёвых цэнтрах Galleria Minsk, GreenCity, «Арэна-Сіці» і «Е-Сіці». Падтрымалі праект у гіпермаркеце «Гіпа», універсамах «Еўраопт» і «Златагорскі». Акрамя таго, добрую справу можна зрабіць у любой раённай арганізацыі Беларускага таварыства Чырвонага Крыжа.
Мару дзіцяці можна ажыццявіць двума спосабамі: самы просты — зрабіць перавод, больш крэатыўны — купіць падарунак і пакласці пад ялінку. Час на гэта ёсць — па 13 студзеня ўключна. Усе рэчы і цацкі перададуць Чырвонаму Крыжу, а тыя, што паступяць да 31 снежня, патрапяць у мех Дзеда Мароза. Усяго на «ялінку жаданняў» будуць разлічваць 10 тысяч дзяцей па ўсёй краіне.
Жаданні ў дзяцей вельмі прыземленыя. Адны просяць цёплую адзежу (пажаданні накшталт «буду рады цёплым чаравікам» або «хачу рукавіцы, каб не мерзлі рукі»), другія — лялькі і цацкі. А многім патрэбен інвентар, каб займацца спортам: напрыклад, канькі, лыжы, ракеткі, кеглі або ровар. А адна дзяўчынка папрасіла нататнік з ключом, каб «запісваць у яго свае сакрэты».
-
У Гомельскім цырку паказалі праграму да 80‑годдзя перамогі — з сярпом, молатам і штурмам Рэйхстага
-
У «Мінск-Арэну» на канцэрт Дзімы Білана набіўся тлум народу. Гледачы скардзяцца на праблемы з квіткамі і паводзіны іншых
-
У кожнага пакалення свой колер: у міленіялаў — ружовы, у зумераў — жоўты. А каму належыць «нахабны зялёны»?
Цяпер чытаюць
«Лукашэнка проста не ведае». Ябацьку, які выкладаў у тыкток відэа пра булінг дачкі, пасадзілі на паўтара месяца3
Каментары