Затрыманы маладзечанскі «мінёр», на яго рахунку 3 гімназіі і школа
Крымінальная справа аб ілжывым паведамленні пра небяспеку распачата ў Маладзечне, падазраваны затрыманы. Пра гэта БелТА паведамілі ў Следчым камітэце.
Паведамленне аб «магчымым выбуху» ў гімназіях №6, 7, 10 і ў школе №8 паступіла 21 снежня на лінію 102. Праваахоўныя органы неадкладна прынялі меры. Былі эвакуіраваны 24 вучняў і два настаўнікі, якія знаходзіліся ў будынках. Выбухованебяспечных прадметаў не выяўлена.
Супрацоўнікі міліцыі высветлілі, хто званіў і паведамляў пра «мініраванне». Гэта быў беспрацоўны 50-гадовы мясцовы жыхар, які набраў нумар міліцыі з мабільнага тэлефона.
«На момант затрымання мужчына знаходзіўся ў стане алкагольнага ап'янення: зафіксавана больш за 1,9 праміле алкаголю ў выдыханым паветры. Заведзеная крымінальная справа па ч. 1 арт. 340 КК. Прызначаная судова-псіхіятрычная экспертыза», — распавялі ў СК.
«Падазраваны патлумачыў, што прычынай такога ўчынку стала доўгае ўжыванне алкаголю», — праінфармавалі ў ведамстве.
Каментары