Адпачынак на дыскатэцы скончыўся для жыхара Гродна зламанай сківіцай
21-гадовы жыхар адной з вёсак Гродзенскага раёна адпачываў на дыскатэцы ў абласным цэнтры. У клубе па вуліцы Лідскай ён паспрабаваў пазнаёміцца з дзяўчынай, аднак сябар яе хлопца зрабіў заўвагу, паведамляе абласная міліцыя.
Паўстаў канфлікт. Спусціўшыся ў фае, яны пачалі размаўляць, аднак мірна вырашыць сітуацыю не ўдалося. Ініцыятар знаёмства нанёс апаненту ўдар кулаком у сківіцу.
Працягнуць бойку не дазволілі супрацоўнікі аховы цэнтра. На буйнага наведвальніка выклікалі міліцыю. Раней ён да крымінальнай і адміністрацыйнай адказнасці не прыцягваўся.
Каментары