Сотні беларускіх пагранічнікаў маюць адправіцца на мяжу з Расіяй, закрытую ў аднабаковым парадку.
Фота gpk.gov.by
Як вядома «Нашай Ніве» ад незвязаных між сабой работнікаў пагранкамітэта і крыніц, на якія спасылаецца ў сваім тэлеграм-канале журналіст Арцём Гарбацэвіч, у кожным падраздзяленні выбіраюць прыкладна 10 чалавек, якія паедуць на мяжу з Расіяй — недзе больш, недзе менш, у залежнасці ад камплекта.
Гаворка пакуль што ідзе толькі пра пагранічны кантроль, а не саму ахову мяжы.
Для пагранічнага кантролю колькасная норма змены — прыкладна 12 чалавек без уліку кіраўніка, такіх зменаў можа быць чатыры.
Дата выезду людзей яшчэ невядомая: вырашаюцца інфраструктурныя пытанні.
Тэлефонныя нумары прэс-службы Дзяржаўнага пагранічнага камітэта маўчаць.
Цяпер чытаюць
Што ў рэальнасці адбылося пад Смалявічамі? Вось самая лагічная прычына налёту ашалелых расійскіх малалетак1
Каментары